Հրապարակվել է՝ Ադրբեջանում նավթի արդյունահանման վերաբերյալ ԱՄՆ ֆինանսների նախարարության կանխատեսումը 2024-2025 թթ. համար

ԱՄՆ էներգետիկայի նախարարությանը կից էներգետիկ տեղեկատվության վարչությունը (ԷՏՎ) հրապարակել է՝ Ադրբեջանում նավթի և այլ հեղուկացված ածխաջրածինների միջին օրական արդյունահանման կանխատեսումը՝ 2024-2025 թվականների համար։

Ինչպես հաղորդում է Caliber.Az-ը՝ հղում անելով ԷՏՎ-ի ամսական զեկույցին, ակնկալվում է, որ Ադրբեջանում նավթի և այլ հեղուկացված ածխաջրածինների օրական արդյունահանումն այս տարի կկազմի 600 հազար բարել, ինչը 10 հազար բարելով պակաս է, քան նախկինում կանխատեսվում էր։ Միաժամանակ, ըստ ԷՏՎ-ի կանխատեսման, հաջորդ տարի նավթի օրական միջին արդյունահանումը երկրում կլինի 640 հազար բարելի մակարդակում (նախկին կանխատեսումը 650 հազար բարել)։ 

Նշվում է, որ անցյալ տարի Ադրբեջանում նավթի և այլ հեղուկացված ածխաջրածինների օրական արդյունահանումը կազմել է 620 հազար բարել։ Հավելենք, որ 2022 թվականին հեղուկացված ածխաջրածինների օրական արտադրությունը հանրապետությունում եղել է 670 հազար բարելի մակարդակում։