Իլհամ Ալիև. Հայաստանի Սահմանադրության մեջ պետք է փոփոխություններ կատարվեն

Օգոստոսի 30-ին Ադրբեջանի նախագահ Իլհամ Ալիևն ընդունել է՝ ադրբեջանա-թուրքական միջխորհրդարանական բարեկամության խմբի ղեկավար Շամիլ Այրըմի գլխավորած Թուրքիայի Ազգային մեծ ժողովի պատվիրակությանը։

Ինչպես հայտնում է Caliber.Az-ը, այս մասին տեղեկություն է տեղադրված ԱՀ ղեկավարի պաշտոնական կայքում։ Հանդիպմանը Իլհամ Ալիևն անդրադարձել է՝ տարածաշրջանում տիրող իրավիճակին և հայտարարել, որ Ադրբեջանը հանդես է գալիս կայուն խաղաղության օգտին։

Պետության ղեկավարն ընդգծել է, որ դրա համար, ինչպես ինքը բազմիցս նշել է, Հայաստանի Սահմանադրության մեջ պետք է վերացվեն Ադրբեջանի նկատմամբ տարածքային պահանջները, Սահմանադրությունը պետք է փոխվի:

Իլհամ Ալիևը հայատարարել է, որ ԵԱՀԿ Մինսկի խումբը և  նրա հետ կապված ինստիտուտները արդեն հանդիսանում են անցյալի  մնացուկներ և պետք է ամբողջությամբ  վերացվեն։Պետության ղեկավարը նշել է, որ Հայաստանի դիրքորոշումը Մինսկի խմբի վերաբերյալ  անհասկանալի է։

Ի վերջո, եթե հակամարտությունն անցյալում է, և Հայաստանի վարչապետը աջակցություն է հայտնում Ադրբեջանի տարածքային ամբողջականությանը, ապա ինչի՞ է պետք Մինսկի խումբը։ Իլհամ Ալիևը նշել է, որ, ըստ ամենայնի, Հայաստանը շահագրգռված չէ խաղաղության պայմանագրի կնքմամբ և տարածաշրջանում կայուն խաղաղության հասնելու մեջ։

Նախագահն հայտարարել է, որ Հայաստանը միտումնավոր ձգձգում է ժամանակը, նոր զինատեսակներ է գնում Ֆրանսիայից և արևմտյան այլ երկրներից, իր տարածքում զորավարժություններ է անցկացնում երրորդ կողմերի հետ։ 

11:22

Օգոստոսի 30-ին Ադրբեջանի նախագահ Իլհամ Ալիևն ընդունել է՝ ադրբեջանա-թուրքական միջխորհրդարանական բարեկամության խմբի ղեկավար Շամիլ Այրըմի գլխավորած Թուրքիայի Ազգային մեծ ժողովի պատվիրակությանը: 

Ինչպես հաղորդում է Caliber.Az-ը, այս մասին տեղեկությունը տեղադրված է պետության ղեկավարի պաշտոնական կայքում։