Հունգարիայի նախագահը նամակ է հղել Իլհամ Ալիևին

Հունգարիայի նախագահ Թամաշ Շույոկը նամակ է հղել Ադրբեջանի նախագահ Իլհամ Ալիևին։

Ինչպես հայտնում է Caliber.Az-ը, այս մասին տեղեկությունը զետեղված է ԱՀ ղեկավարի պաշտոնական կայքում։

Նամակում Թամաշ Շույոկը ցավակցություն է հայտնել Բաքու-Գրոզնի չվերթն իրականացնող AZAL ինքնաթիռի կործանման կապակցությամբ։

«Հունգարիայի ժողովրդի և անձամբ իմ անունից անկեղծ ցավակցություն եմ հայտնում ողբերգական ավիավթարի կապակցությամբ, որը հանգեցրեց մեծ թվով մարդկանց մահվան»,- ասված է նամակում։