Իրանցի նախարարը եայտարարել է Բաքվում հանդիպման արդյունավետության մասին

Իրանը, Ռուսաստանը և Ադրբեջանը Բաքվում եռակողմ հանդիպում են անցկացրել, որը նրանք համարում են կարևոր քայլ՝ Ռեշտ-Աստարա երկաթուղային նախագծի և այլ տարանցիկ նախագծերի առաջխաղացման  համար։
 
Ինչպես հայտնում է Caliber.Az-ը՝ հղում անելով «Ազատ Իրան» Telegram ալիքին, Իրանի ճանապարհների և քաղաքաշինության նախարար Ֆարզանե Սադեղը հայտարարել է, որ հանդիպումը ստեղծել է արդյունավետ հարթակ՝ միջազգային Հյուսիս-Հարավ տրանսպորտային միջանցքների միավորման և վարչական խոչընդոտների վերացման համար։
 
Սադեղը ճշտել է, որ կողմերը քննարկել են՝ երկաթուղային և նավահանգստային ենթակառուցվածքների ինտեգրումը, տեխնիկական համակարգումը և նախագծերի պլանավորումը, և ձեռք են բերվել համապատասխան համաձայնություններ։

«Այս եռակողմ համակարգումը կարող է ամրապնդել Իրանի տնտեսական դիրքերը միջազգային Հյուսիս-Հարավ միջանցքի երկայնքով  և ավելացնել բեռների տարանցման հզորությունները», - հայտարարել է իրանցի նախարարը։