Իրանը և Ադրբեջանը պլանավորում են համատեղ լոգիստիկ հանգույց ստեղծել

Իրանը և Ադրբեջանը պլանավորում են համատեղ լոգիստիկ բազա և արդյունաբերական ավան ստեղծել։
 
IRNA-ի փոխանցմամբ, այս մասին հայտարարել է Իրանի մասնավոր հատվածի Ներկայացուցիչների պալատի փոխնախագահ Հոսեյն Փիրմուզանը՝ Ադրբեջանում Իրանի դեսպան Մոջթաբա Դեմիրչիլուի հետ հանդիպման ժամանակ։
 
Նա ընդգծել է նաև Արդաբիլ-Բաքու երկաթուղու գործարկման կարևորությունը, որը կնպաստի՝ Ռուսաստան գյուղատնտեսական արտադրանքի արտահանմանը և կնվազեցնի տրանսպորտային ծախսերը։
 
Նշվել է, որ հաջորդ շաբաթ Թեհրանում նախատեսվում է՝ Իրան-Ադրբեջան համատեղ տնտեսական հանձնաժողովի նիստ անցկացնել։