Կանանց զբաղվածություն. Ադրբեջանը տասնյակ դիրքով բարձրացել է համաշխարհային վարկանիշային աղյուսակում

Ադրբեջանը բարելավել է իր դիրքը կանանց համար զբաղվածության հնարավորություններ ստեղծելու համաշխարհային վարկանիշային աղյուսակում՝ 104-րդ տեղից բարձրանալով 69-րդ տեղը։

Report-ի փոխանցմամբ՝ այս մասին հայտարարել է Ադրբեջանի աշխատանքի և սոցիալական պաշտպանության նախարար Անար Ալիևը Դոհայում կայացած ԻՀԿ-ի աշխատանքի նախարարների 6-րդ համաժողովում։

Նրա խոսքով՝ վերջին տարիներին Ադրբեջանը զգալի առաջընթաց է գրանցել կանանց զբաղվածության ընդլայնման գործում։ Այս առաջընթացը արտացոլված է Համաշխարհային բանկի «Կանայք, բիզնես և իրավունք» (Women, Business and the Law) զեկույցում։

Նախարարն ընդգծել է, որ վերջին վեց տարիների ընթացքում երկիրը իրականացրել է սոցիալական բարեփոխումների հինգ փաթեթ՝ ուղղված աշխատանքային իրավունքների պաշտպանությանը և անվտանգ աշխատանքային պայմանների ապահովմանը։

Ադրբեջանը նաև վավերացրել է Աշխատանքի միջազգային կազմակերպության 59 կոնվենցիա և մեկ արձանագրություն և դիտարկում է ևս չորսի վավերացման հարցը։