Լավրովը ներկայացրել է Մոսկվայի դիրքորոշումը՝ Բաքու-Երևան բանակցությունների վերաբերյալ

Մոսկվան հաջողություն է մաղթում Հայաստանին և Ադրբեջանին՝ խաղաղության համաձայնագրի ստորագրման գործում։
 
Ինչպես հաղորդում է Caliber.Az-ը՝ NEWS.ru-ին հղումով, այս մասին հայտարարել է՝ Ռուսաստանի արտաքին գործերի նախարարության ղեկավար Սերգեյ Լավրովը։
 
Նրա խոսքով՝ Ռուսաստանի Դաշնությունը պատրաստ է աջակցել այս գործընթացին։
 
«Պետք է Հայաստանի և Ադրբեջանի միջև խաղաղության պայմանագիր ստորագրվի, մենք անկեղծորեն նրանց մաղթում ենք հաջողություններ այս գործում: Ակնհայտ է, որ համաձայնագիրը հնարավոր դարձավ Ռուսաստանի, Ադրբեջանի և Հայաստանի միջև մի քանի եռակողմ գագաթնաժողովների շնորհիվ: Մենք պատրաստ ենք շարունակել օգնություն ցուցաբերել, եթե երկու կողմերն էլ հետաքրքրված են դրանով», - ասել է նախարարը: