ՄԱԿ. Ադրբեջանը համաշխարհային առաջատար է

Քաղաքական գործիչները պետք է ավելի շատ խոսեն կլիմայի փոփոխության մասին պարզ լեզվով, որպեսզի բոլորը կարողանան լիովին հասկանալ, թե ինչ է տեղի ունենում, այս մասին երեքշաբթի Բաքվում բարձր մակարդակի երկխոսության ժամանակ՝ «Երկամյա թափանցիկության զեկույցները (BTRs) որպես ազգային  ներուժի ստեղծման համար գործիք» խորագրով պանելի  շրջանակներում ասել է՝ ՄԱԿ-ի կլիմայի քարտուղարության հաշվետվության  վարչության տնօրեն Դոնալդ Կուպերը։
 
Ինչպես հաղորդում է Report-ը, նա դա բացատրել է նրանով, որ շատերը լայն պատկերացում չունեն մարդկության առջև ծառացած իրական կլիմայական խնդիրների մասին, և հիմնական խնդիր են ներկայացնում  տերմիններն ու դրանց բարդությունը։
 
«Շատ մարդիկ չեն հասկանում, թե ինչի մասին է խոսքը: Կարծում եմ, որ մեզ համար շատ կարևոր է, որ նրանք գոնե ընդհանուր ձևով հասկանան, թե ինչի ենք մենք փորձում հասնել»,- ասել է նա:
 
Կուպերը նաև շնորհակալություն է հայտնել Բաքվին՝ COP29-ը անցկացնելու համար։ «Ուզում եմ շնորհակալություն հայտնել կողմերին՝ մեր գաղափարներն առաջ մղելու համար, ինչպես նաև Ադրբեջանին՝ մեզ առաջ տանող համաշխարհային առաջնորդ դառնալու համար, նրանց, ովքեր կրում են աշխարհի գոյատևման բեռը ևս մեկ տարի, 10 տարի, 50 տարի և այլն»,- եզրափակել է նա։