Օվերչուկ. «ՌԵ-ն» ուսումնասիրում են Հայաստան ռուսական ապրանքների տարանցումը Ադրբեջանի տարածքով

«Ռուսական երկաթուղիները» (ՌԵ) և նրա տարածաշրջանային գործընկերները ներկայումս քննարկում են Ադրբեջանի տարածքով ռուսական ապրանքների տարանցման կազմակերպումը դեպի Հայաստան: Այս մասին լրագրողներին ասել է Ռուսաստանի փոխվարչապետ Ալեքսեյ Օվերչուկը, տեղեկացնում է ՏԱՍՍ-ը:

Ավելի վաղ Ադրբեջանի նախագահ Իլհամ Ալիևը հայտարարել էր, որ Բաքուն վերացրել է իր տարածքով դեպի Հայաստան բեռների տարանցման սահմանափակումները:

«Ադրբեջանական կողմը հաստատել է ադրբեջանական երկաթուղիները օգտագործելու հնարավորությունը ռուսական ապրանքների դեպի Հայաստան տարանցման համար: Այլ կերպ ասած, մենք այս հարցում շատ հետաքրքիր առաջընթաց ենք գրանցել: «Ռուսական երկաթուղիները» ներկայումս աշխատում են իրենց տարածաշրջանային գործընկերների հետ՝ որոշելու համար, թե ինչպես կազմակերպել այդ բեռնափոխադրումները: Միաժամանակ մենք համապատասխան հանձնարարականներ ենք տվել գյուղատնտեսության նախարարության գծով՝ այս նոր լոգիստիկ երթուղին յուրացնելու համար», - նշել է Օվերչուկը: