Պանինա. Ադրբեջանը կարող է էլեկտրաէներգիա մատակարարել Ռուսաստանին

Ադրբեջանը կարող է 250-300 ՄՎտ էլեկտրաէներգիա մատակարարել Ռուսաստանին:
 
Ինչպես հաղորդում է Caliber.Az-ը՝ ռուսական լրատվամիջոցներին հղումով, այս մասին «Ռուսաստանի վերականգնվող էներգիա» համաժողովի շրջանակներում լրագրողներին ասել է՝ «Ինտեր ՌԱՕ» ՓԲԸ-ի խորհրդի անդամ Ալեքսանդրա Պանինան։
 
Նրա խոսքով, ընկերությունը պատասխան է ստացել Ադրբեջանից և Վրաստանից՝ Ռուսաստանի Դաշնություն էլեկտրաէներգիա մատակարարելու հնարավորության մասին։
 
«Ադրբեջանը պատասխանել է, որ կարող է շտապ օգնություն ցուցաբերել 250-300 ՄՎտ ծավալով։ Վրաստանը պատասխանել է, որ որոշում կկայացնեն՝ կախված իրավիճակից»,- ասել է Պանինան։
 
«Եղել են. Ադրբեջանից»,- նա պատասխանել է այն հարցին, թե 2024 թվականին առաքումներ արդեն եղե՞լ են։