Պետդեպարտամենտ. Մենք կշարունակենք աշխատել Բաքվի և Երևանի միջև խաղաղ կարգավորման ուղղությամբ

Հերթական ճեպազրույցում ԱՄՆ Պետդեպարտամենտի մամուլի քարտուղարի տեղակալ Վեդանտ Պատելը պատասխանել է՝ Ադրբեջանի և Հայաստանի՝ խաղաղության հետ կապված  ջանքերի վերաբերյալ լրագրողների հարցերին։
 
Այս մասին հայտնում է Caliber.Az-ը՝ Պետդեպարտամենտի կայքին հղումով։
 
«Մենք փորձում ենք չանդրադառնալ ձախողումների վրա և պարզապես շարունակում ենք անել մեր գործը։ Պետքարտուղար Բլինքենը վաղուց ասել է, որ շատ ոլորտներում պետք է շատ աշխատել,  արդյունքի հասնելու համար: Այդ ոլորտը շարունակում է կենսական նշանակություն ունենալ այս վարչակազմի և պետքարտուղարի համար, և մենք կշարունակենք աշխատել դրա վրա՝ մինչև մեր վերջին օրը այս գրասենյակում», - ասել է Պատելը: