Փեզեշքիանը՝ Խանքենդիի գագաթնաժողովի և ՏՀԿ-ի ընդհանուր ոստիկանական կառուցվածքի ստեղծման մասին

Իրանի Իսլամական Հանրապետության նախագահը ելույթ է ունեցել՝ Տնտեսական համագործակցության կազմակերպության (ՏՀԿ) ներքին գործերի նախարարների նիստում՝ ընդգծելով անդամ պետությունների ջանքերով միասնական, կայուն, ներքին հավասարակշռված և զարգացմանը միտված տարածաշրջանային անվտանգության համակարգի ստեղծման և իրականացման անհրաժեշտությունը։
 
Tasnim-ի փոխանցմամբ՝ նախագահ Մասուդ Փեզեշքիանը, ելույթ ունենալով ՏՀԿ-ի ներքին գործերի նախարարների 4-րդ նիստում, նշել է, որ այս կազմակերպությունը հանդիսանում է՝ իր անդամների կողմից տնտեսական ինտեգրմանն ուղղված տասնամյակների համատեղ ջանքերի, փոխգործակցության և համառության ժառանգորդը։ Նրա խոսքով, տարածաշրջանային տնտեսական համագործակցությոան հաջողությունը  պահանջում է՝ ուժեղ, կանխատեսելի, ամուր և կայուն ընդհանուր շրջանակ և հիմք, որի ստեղծումն ու ամրապնդումը ներքին գործերի նախարարությունների բացառիկ պատասխանատվությունն է։
 
Փեզեշքիանը նշել է, որ երկարատև ընդմիջումից հետո այս  նիստի անցկացումը ցույց է տալիս անդամ պետությունների նորացված հանձնառությունը՝ ամրապնդելու համագործակցությունն ու համակարգումը փոխադարձ հարաբերությունների հիմնական ոլորտներում։

Նրա խոսքով, ներքին գործերի նախարարությունները ամենակարևոր գործակալություններից են, որոնք, իրենց անմիջական գործառույթները կատարելուց բացի, պատասխանատու են տնտեսական զարգացման հիմնարար պայմանների՝ անվտանգության և հասարակական հանգստության  ապահովման համար: Նրանց դերը բազմակողմ և տարածաշրջանային տնտեսական փոխազդեցության մեջ չափազանց նշանակալի է: Հաջող տարածաշրջանային տնտեսական համագործակցությունն անհնար է առանց ամուր, կայուն և կանխատեսելի հիմքի: Ներքին գործերի նախարարությունները կարևոր դեր են խաղում այս հիմքերի ստեղծման գործում, այդ թվում՝ սահմանային համագործակցության և անօրինական միգրացիայի, մարդկանց և թմրանյութերի ապօրինի շրջանառության, ահաբեկչության տարբեր ձևերի և կազմակերպված հանցավորության այլ տեսակների դեմ պայքարի համատեղ ջանքերի միջոցով։
 
Ինչպես նշել է Փեզեշքիանը, Տնտեսական համագործակցության կազմակերպությունը տասնամյակների համատեղ ջանքերի և տնտեսական ինտեգրման համար համագործակցության արդյունք է: Կազմակերպությունն արդեն զգալի հաջողությունների է հասել, բայց դրա չօգտագործված ներուժը  դեռ հսկայական է: Բարեբախտաբար, անդամ պետությունների համագործակցությունը հետագա խորացնելու ցանկությունը հստակորեն ակնհայտ է: