S&P. Ադրբեջանում վարկավորման աճը սերտորեն կապված է նավթի գների և ՀՆԱ-ի աճի հետ

S&P Global Ratings միջազգային վարկանիշային գործակալությունը հաստատել է՝ ադրբեջանական բանկերի վարկանիշները «bb-» մակարդակում։
 
Ինչպես հաղորդում է Report-ը՝ վկայակոչելով գործակալությանը, Ադրբեջանի բանկային հատվածը շահում է բարենպաստ մակրոտնտեսական պայմաններից՝ հումքային ապրանքների բարձր գների ֆոնին, որոնք խթանում են վարկի պահանջարկը և բարելավում ակտիվների որակը։
 
Գործակալությունն ընդգծում է, որ Ադրբեջանում վարկավորման աճը սերտորեն կապված է նավթի գների և ՀՆԱ-ի աճի հետ։
 
«2024 թվականին վարկավորման ծավալն աճել է մոտավորապես 20%-ով՝ ինչպես մանրածախ, այնպես էլ կորպորատիվ վարկերի հաշվին։ Մենք ակնկալում ենք, որ ենթակառուցվածքային ներդրումները և հիմնական տոկոսադրույքների կրճատումը կխթանեն վարկավորման երկնիշ աճ՝ 2025-26 թվականներին: Բացի այդ, մեր գնահատումներով, գնաճի հաշվառմամբ՝  անշարժ գույքի գները  անցած տարի աճել են 10-15%-ով, և մենք ակնկալում ենք,  որ դրանք կշարունակեն աճել բարձր միանիշ մակարդակներով՝ 2025 թվականին։ Բանկերի սահմանափակ մասնակցությունը շինարարության ոլորտում (ընդհանուր վարկերի մոտ 5%-ը 2024թ. վերջի դրությամբ) և հիփոթեքային վարկավորմանը (նույն ամսաթվի 15%-ը) մասամբ նվազեցնում է ռիսկի մակարդակը»,- ​​ասվում է գործակալության զեկույցում։