Վրաստանը Թբիլիսիում անվճար հողամաս է փոխանցել Ադրբեջանին

Վրաստանը Թբիլիսիում գտնվող 69 քմ մակերեսով հողամասը անվճար օգտագործման է փոխանցել Ադրբեջանին։ վարձակալության ժամկետը կկազմի 49 տարի։

Ինչպես հաղորդում է Caliber.Az-ը՝ վրացական լրատվամիջոցներին հղումով, Վախթանգ Գորգասալիի փողոցի վրա գտնվող հողատարածքը կառավարության  կարգադրությամբ փոխանցվել է դեսպանատանը օգտագործման համար։
 
Տեղեկատվության համաձայն, համապատասխան փաստաթուղթը հուլիսի 18-ին ստորագրել է վարչապետ Իրակլի Կոբախիձեն։ Հիմք է հանդիսացել՝ «Պետական սեփականության մասին» Վրաստանի օրենքի 36-րդ հոդվածի 2-րդ կետը։
 
Տնտեսության նախարարության ենթակայության տակ գտնվող Պետական գույքի ազգային գործակալությանը հանձնարարվել է՝ իրականացնել օգտագործման իրավունքի փոխանցման համար օրենքով նախատեսված բոլոր ընթացակարգերը։