Զորան Միլանովիչը ցավակցություն է հայտնել Իլհամ Ալիևին

Խորվաթիայի նախագահ Զորան Միլանովիչը ուղերձ է հղել Ադրբեջանի նախագահ Իլհամ Ալիևին։

Ինչպես հայտնում է Caliber.Az-ը, այս մասին տեղեկություն է հրապարակվել ԱՀ ղեկավարի պաշտոնական կայքում։

Ուղերձում Զորան Միլանովիչը ցավակցություն է հայտնել՝ Բաքու-Գրոզնի չվերթն իրականացնող AZAL-ի ինքնաթիռի կործանման կապակցությամբ։

«Խորվաթիայի ողջ ժողովրդի և անձամբ իմ անունից խորին ցավակցություն եմ հայտնում՝ Ակտաուի մերձակայքում «Ադրբեջանական ավիաուղիներ»-ի մարդատար ինքնաթիռի կործանման հետևանքով զոհվածների ընտանիքներին, ինչպես նաև Ադրբեջանի բոլոր քաղաքացիներին։ Վիրավորներին մաղթում եմ շուտափույթ ապաքինում։ «Այս դառը օրերին մենք համերաշխ ենք ադրբեջանական ժողովրդի հետ»,- ասվում է ուղերձում։