Ադրբեջանում բարձրացվել են ծխախոտային արտադրանքի ակցիզային հարկերը

Ադրբեջանում բարձրացվել են ծխախոտային արտադրանքի ակցիզային հարկերը:

Caliber.Az-ի փոխանցմամբ՝ նախագահ Իլհամ Ալիևը հաստատել է այս կապակցությամբ Հարկային օրենսգրքում կատարված փոփոխությունները։

Փոփոխությունների համաձայն՝ ծխախոտ կամ վերականգնված ծխախոտ պարունակող և առանց այրման ներշնչման համար նախատեսված արտադրանքի ակցիզային հարկերը 16 մանաթից կբարձրանան մինչև 25.5 մանաթ՝ 1000 հատի համար։ Ծխելու, հոմոգենացված, վերականգնված, ծամելու համար նախատեսված ծխախոտի համար ակցիզային հարկի դրույքաչափը 22 մանաթից կբարձրանա մինչև 162 մանաթ։