Վերջին յոթ տարիների ընթացքում իրականացվել է սոցիալական բարեփոխումների հինգ փաթեթ. Ալիև

Մեր ամբողջ քաղաքականությունը և՛ սոցիալական, և՛ ներդրումային ուղղվածություն ունի։ Այս երկու ոլորտների միջև պետք է լինի նուրբ հավասարակշռություն։

AZERTAC-ի փոխանցմամբ՝ այս մասին հայտարարել է Ադրբեջանի նախագահ Իլհամ Ալիևը հունվարի 5-ին տեղական հեռուստաալիքներին տված հարցազրույցում։

Նա ընդգծել է, որ անցկացնելով տնտեսական բարեփոխումներ և իրականացնելով նավթագազային նախագծեր, Ադրբեջանը ստացված եկամուտները հիմնականում ուղղորդել է սոցիալական ոլորտ. «Օկուպացիայի ընթացքում մեր հիմնական միջոցներն ուղղվել են ռազմական ծախսերին, հետո գալիս էին կրթության ծախսերը, ապա ներքին տեղահանված անձանց համար նախատեսված ծախսերը։ Այլ կերպ ասած, օկուպացիայի ընթացքում մենք նոր տներ և բնակարաններ ենք տրամադրել ավելի քան 300 000 տեղահանված անձանց, և կառուցվել է ավելի քան 100 նոր ավան»։

Նշելով, որ այս ոլորտում ժամանակին գոյություն ունեցած խախտումներն ու անարդարությունները վերացվում են, և որ ներդրվում է թափանցիկ մեխանիզմ, Ադրբեջանի նախագահն ասել է. «Սա մեզ թույլ տվեց իրականացնել սոցիալական բարեփոխումների մի քանի լուրջ փաթեթ։ Ավելի ճշգրիտ, վերջին յոթ տարիների ընթացքում իրականացվել է սոցիալական բարեփոխումների հինգ փաթեթ։ Դրանք ընդգրկում են 4 միլիոն մարդու, իսկ դրանց իրականացման համար հատկացված միջոցների չափը կազմում է մոտավորապես 8 միլիարդ մանաթ»։