Փաշինյանը ստուգում է ԱԱԾ պետի հավատարմությունը. հայկական մամուլ

Հայաստանի վարչապետ Նիկոլ Փաշինյանը որպես գերատեսչության պետի հավանական թեկնածու դիտարկում է ՀՀ ազգային անվտանգության ծառայության (ԱԱԾ) պետի տեղակալ Անդրանիկ Սիմոնյանին։

Caliber.Az-ի փոխանցմամբ՝ այս մասին գրում է «Հրապարակ թերթը:

Թերթը գրում է, որ Փաշինյանը տևական ժամանակ է՝ Անդրանիկ Սիմոնյանին նույն հրահանգներն է տալիս, ինչ Աբազյանին, և հաշվետվություններ է պահանջում, նրանց առանձին-առանձին ընդունում է իր մոտ, ըստ ամենայնի՝ ստուգում է Աբազյանի «հավատարմությունը»։

«Լուրեր կան, որ Աբազյանն անվերապահորեն չի կատարում Փաշինյանի քաղաքական հրահանգները, փոխարենը դրանք իրագործվում են Անդրանիկ Սիմոնյանի ձեռամբ։

Ինչ վերաբերում է Անդրանիկ Սիմոնյանին, ապա վերջինս դարձել է Փաշինյանի կամակատարը և հանձն է առնում կյանքի կոչել ամենաստոր հրահանգները։ Դիցուք՝ ՀՀ ԶՈւ գլխավոր շտաբի պետի նախկին առաջին տեղակալ Տիրան Խաչատրյանին տարեսկզբին կալանավորելու գործի «քավորը» նույնպես Սիմոնյանն է եղել, բանն այն է, որ Փաշինյանը դեռ ամիսներ առաջ է ցանկացել Տիրան Խաչատրյանին կալանավորել, սակայն ՔԿ նախկին ղեկավար Արգիշտի Քյարամյանը հրաժարվել է իրականացնել», - գրում է թերթը։