Պեսկովը՝ Ուկրաինայի տարածքով Ադրբեջանից գազի մատակարարումների մասին. Դրանք առևտրային բանակցություններ են

ՌԴ նախագահի մամուլի քարտուղար Դմիտրի Պեսկովը չի կանխատեսել՝ ԵՄ-ի և Ադրբեջանի միջև Ուկրաինայի գազատրանսպորտային համակարգի (GTS) միջոցով գազի մատակարարման հնարավոր պայմանագրի հեռանկարները։
 
Այս մասին հայտնում է ՏԱՍՍ-ը։
 
«Դրանք առևտրային բանակցություններ են։ Ես և դուք գիտենք այն իրավիճակը, որի մասին նախագահը խոսել է Կազանում կայացած մամուլի ասուլիսում։ Հարց կար այս տարեվերջին ավարտվող գազի մատակարարման պայմանագրի վերաբերյալ։ Ինչպես կշարունակեն զարգանալ իրադարձությունները, ինչպես կշարունակվեն ապահովել մատակարարումները՝ հաշվի առնելով այն փաստը, որ Ուկրաինան արդեն հայտարարել է, որ հրաժարվում է երկարաձգել այս համաձայնագիրը, ես հիմա չեմ կարող ձեզ ասել»,- նշել է Պեսկովը՝ մեկնաբանելով Bloomberg-ի այն հրապարակումը, որ գազի անանուն գնորդները ԵՄ-ից մոտ են՝ ադրբեջանական SOCAR-ի հետ տարեկան 12-14 միլիարդ խորանարդ մետր գազի մատակարարման համաձայնագրի ստորագրմանը՝ Ուկրաինայի գազատրանսպորտային համակարգիով՝ դեկտեմբերի 31-ից հետո: