Ռուսաստանը և Վիետնամը կընդլայնեն օդային հաղորդակցությունը

Ռուսաստանն ու Վիետնամը կավելացնեն փոխադարձ ավիաչվերթների քանակը: Որոշումն ընդունվել է Ռուսաստանի Դաշնության պատվիրակության՝ ասիական այս երկիր կատարած այցի ժամանակ։ Թռիչքներ կիրականացնեն նաև վիետնամական ավիաընկերությունները։

ՏԱՍՍ-ի փոխանցմամբ՝ այս մասին հայտարարել է ՌԴ փոխվարչապետ Դմիտրի Չերնիշենկոն։

Նշվում է, որ այդ նպատակների համար փոխադրողները հատուկ սակագներ են սահմանելու։ Բացի այդ, կձեռնարկվեն նաև այլ միջոցներ երկրների միջև զբոսաշրջային փոխանակումն ավելացնելու համար։

Ավելի վաղ Վենեսուելայի նախագահ Նիկոլաս Մադուրոն հայտարարել էր, որ անհրաժեշտ է ավելացնել դեպի Վենեսուելա թռիչքների թիվը ռուսաստանցի ճանապարհորդների համար։ Վենեսուելայի զբոսաշրջության նախարար Լետիսիա Գոմեսը հայտնել է, որ պլանավորվում է մինչև հաջորդ տարի շաբաթական երեքից չորս չվերթ իրականացնել:

Մադուրոն նաև ընդգծել է Ռուսաստանի՝ որպես զբոսաշրջային ուղղություն գրավչությունը՝ նշելով, որ այն «եղբայրական երկիր» է։