Շվիդկոյը՝ Ռուսաստանի և Ադրբեջանի միջև մշակութային կապերի վերականգնման հեռանկարի մասին

Ռուսաստանը պատրաստ է վերսկսել հումանիտար կապերի հաստատումը Ադրբեջանի հետ նույն չափով, ինչ իր ադրբեջանցի գործընկերները: Երկրների միջև մշակութային հարաբերությունները չվերսկսելու որևէ հիմնարար պատճառ չկա: Այս մասին ռուսական լրատվամիջոցներին ասել է միջազգային մշակութային համագործակցության հարցերով ՌԴ նախագահի հատուկ ներկայացուցիչ Միխայիլ Շվիդկոյը։

Ռուսաստանի նախագահ Վլադիմիր Պուտինը հոկտեմբերի 24-ին հեռախոսազրույց է ունեցել Ադրբեջանի նախագահ Իլհամ Ալիևի հետ։

«Մենք միշտ ասել ենք, որ Ռուսաստանը պատրաստ է ամեն ինչի, ինչի պատրաստ են իր գործընկերները: Եվ այնքանով, որքանով մեր ադրբեջանցի ընկերներն ու գործընկերները պատրաստ են վերսկսել հումանիտար կապերի, գիտության, կրթության և մշակույթի ոլորտներում կապերի հաստատումը, մենք նույնպես պատրաստ ենք», - ՌԻԱ Նովոստիին ասել է Շվիդկոյը՝ խոսելով երկրների միջև մշակութային կապերի վերականգնման հեռանկարի մասին։

Նա ընդգծել է, որ Ռուսաստանը և Ադրբեջանը կապված են դարավոր պատմությամբ, երկու ժողովուրդները սերտորեն միահյուսված են, կիսում են նույն հոգևոր և բարոյական արժեքները, որոնք կազմում են երկու երկրների հասարակության հիմքը: «Ինձ թվում է, որ մենք խորը պատճառներ չունենք բոլոր հարաբերությունները լիարժեք չվերսկսելու համար», - նշել է Շվիդկոյը։