Սիմոնյանը շնորհակալ է Ղազախստանին Ադրբեջանի և Հայաստանի միջև խաղաղության հասնելու ջանքերի համար

Ղազախստանի նախագահ Կասիմ-Ժոմարտ Տոկաևն ընդունել է Հայաստանի Ազգային ժողովի նախագահ Ալեն Սիմոնյանին։

Ինչպես հաղորդում է Caliber.Az-ը՝ հղում անելով ղազախական լրատվամիջոցներին, Տոկաևի խոսքով՝ ներկայումս հայ-ղազախական հարաբերությունները զարգանում են շատ ուղղություններով։ Դրան նպաստում են կանոնավոր քաղաքական երկխոսությունը, ինչպես նաև առևտրային, տնտեսական, մշակութային և մարդասիրական կապերի ընդլայնումը։

Ալեն Սիմոնյանն իր հերթին ընդգծել է վստահելի քաղաքական գործընկերության կառուցման և միջխորհրդարանական համագործակցության ամրապնդման կարևորությունը՝ որպես երկկողմ երկխոսության առանցքային տարրերից մեկը։

Հանդիպմանը Սիմոնյանը շնորհակալություն է հայտնել Ղազախստանին Հայաստանի և Ադրբեջանի միջև խաղաղության հասնելուն ուղղված ջանքերի համար։