TURKPA. Մենք հարգում ենք Ադրբեջանի անկախության և ինքնիշխանության համար զոհվածների հիշատակը

34 տարի է անցել հունվարի 19-ի լույս 20-ի այդ շատ արյունալի գիշերից, երբ ԽՍՀՄ ղեկավարության հրահանգով Բաքվում և հարակից շրջաններում խաղաղ բնակիչների ջարդեր իրականացվեցին։ Խորհրդային զորքերի իրականացրած հունվարյան ողբերգության հետևանքով զոհվել է 150 խաղաղ բնակիչ, վիրավորվել՝ 744 մարդ, այդ թվում՝ կանայք, երեխաներ և ծերեր, բուժաշխատողներ և ոստիկաններ։ 1990 թվականի ողբերգական իրադարձությունների զոհերին անվանում են «Հունվարի 20-ի նահատակներ»։ Ընդհանուր առմամբ, Ադրբեջանում կա 150 «Հունվարի 20-ի նահատակ»։

AZERTAC-ի փոխանցմամբ՝ այս խոսքերն արտացոլված են Թյուրքական պետությունների խորհրդարանական վեհաժողովի (TURKPA) հայտարարության մեջ՝ կապված հունվարի 20-ի՝ Համազգային սգո օրվա հետ:

Հայտարարության մեջ ասվում է. «Այս օրը, որը դարձել է եղբայրական ժողովրդի ազգային միասնության և հայրենասիրության խորհրդանիշ, TURKPA-ն հարգում է Ադրբեջանի անկախության և ինքնիշխանության համար զոհված որդիների և դուստրերի հիշատակը։ Թող Ալլահը լուսավորի մեր նահատակների հոգիները»։