Շաֆիև. Սահմանային գոտում երրորդ ուժեր չպետք է լինեն

«Վերջին գործընթացները ցույց տվեցին, որ Եվրամիության առաքելությունը Հայաստանում կտևի 5-10 տարի»:

Ինչպես հաղորդում է Caliber.Az-ը, այս մասին տարվա արդյունքներին նվիրված մամուլի ասուլիսում հայտարարել է Միջազգային հարաբերությունների վերլուծության կենտրոնի խորհրդի նախագահ Ֆարիդ Շաֆիևը։

Անդրադառնալով հայ-ադրբեջանական սահմանին Եվրամիության առաքելության գործունեությանը, կենտրոնի ղեկավարն ասել է, որ այն բանից հետո, երբ դրան միացավ Կանադան, այն անցել է «Եվրամիություն պլյուս» ձևաչափի. «Սահմանամերձ գոտում չպետք է լինի որևէ երրորդ երկրի ուժ: Ներկայումս հայ-ադրբեջանական սահմանին առաքելությունը վերափոխվել է «Եվրամիություն պլյուս» ձևաչափի։ Վերջին գործընթացները ցույց տվեցին, որ Եվրամիության առաքելությունը Հայաստանում կտևի 5-10 տարի։ Հայաստանը ցանկանում է երկարացնել այդ առաքելությունը։ Եթե պաշտոնական Երևանը պահպանի իր ներկայիս դիրքորոշումը, ապա 2025 թվականին խաղաղության պայմանագրի ստորագրումն իրատեսական չի թվում»։