Ադրբեջանում ՄԱԿ-ի մշտական համակարգողի ժամանակավոր պաշտոնակատարը հանդիպել է Յալչին Ռաֆիևի հետ

Ադրբեջանում ՄԱԿ-ի մշտական համակարգողի ժամանակավոր պաշտոնակատար Իգոր Գարաֆուլիչը հանդիպել է Ադրբեջանի արտաքին գործերի փոխնախարար Յալչին Ռաֆիևի հետ։

Report-ի փոխանցմամբ՝ այս մասին նշված է Ադրբեջանում ՄԱԿ-ի գրասենյակի X-ի էջում։

Նշվում է, որ հանդիպումը տեղի է ունեցել Գարաֆուլիչի՝ Ադրբեջանում ՄԱԿ-ի մշտական համակարգողի ժամանակավոր պաշտոնակատարի պաշտոնավարման «առաջին օրերին» և կրել է «քաղաքավարության հանդիպման» բնույթ:

«Ադրբեջանում ՄԱԿ-ի ողջ թիմը պատրաստ է համատեղ աջակցություն ցուցաբերել Ադրբեջանի կառավարությանը և ժողովրդին WUF13Azerbaijan-ի և այլ կարևոր միջոցառումների նախաշեմին», - նշվում է հրապարակման մեջ։