Իրան-Ադրբեջան հարաբերությունները զարգանում են դրական հունով. Վահիդ Ջալալզադե

Բարեբախտաբար, Ադրբեջանի և Իրանի միջև հարաբերությունները զարգանում են դրական հունով։

Report-ի փոխանցմամբ՝ այս մասին Բաքվում կայացած ճեպազրույցի ժամանակ հայտարարել է Իրանի փոխարտգործնախարար Վահիդ Ջալալզադեն։

Նախարարի տեղակալը նշել է, որ իր այցի ընթացքում հանդիպել է արտաքին գործերի նախարար Ջեյհուն Բայրամովի և Ադրբեջանի նախագահի օգնական, նախագահի աշխատակազմի արտաքին քաղաքականության բաժնի ղեկավար Հիքմեթ Հաջիևի հետ։

«Այս հանդիպումների ընթացքում մենք քննարկեցինք երկու երկրների միջև համատեղ նախագծերի մշակումը», - ասել է նա։