ՆԱՏՕ-ն վերահաստատում է իր պատրաստակամությունը խորացնելու գործընկերությունը Ադրբեջանի հետ Շեկերինսկայի այցի արդյունքներով

ՆԱՏՕ-ի գլխավոր քարտուղարի տեղակալ Ռադմիլա Շեկերինսկայի Ադրբեջան այցի արդյունքներով հայտարարություն է հրապարակվել Հյուսիսատլանտյան դաշինքի կայքում։

Caliber.Az-ի փոխանցմամբ՝ հայտարարության մեջ նշվում է, որ ՆԱՏՕ-ի գլխավոր քարտուղարի տեղակալ Ռադմիլա Շեկերինսկան 2026 թվականի հունվարի 21-22-ը այցելել է Ադրբեջան։ Նա մի շարք հանդիպումներ է ունեցել Բաքվում, այդ թվում՝ արտաքին գործերի նախարար Ջեյհուն Բայրամովի և խորհրդարանի խոսնակ Սահիբա Գաֆարովայի հետ։ Նրանք ամփոփել են Ադրբեջանի գործընկերությունը ՆԱՏՕ-ի հետ և կարծիքներ փոխանակել փոխադարձ հետաքրքրություն ներկայացնող մի շարք հարցերի շուրջ, այդ թվում՝ Հայաստանի և Ադրբեջանի միջև հարաբերությունների կարգավորման գործընթացի և Սևծովյան տարածաշրջանում կայունության պահպանման գործում ՆԱՏՕ-ի դերի վերաբերյալ:

Գլխավոր քարտուղարի տեղակալը բարձր է գնահատել Ադրբեջանի ներդրումը Եվրոպայի, այդ թվում՝ Ուկրաինայի էներգետիկ անկախության գործում և ընդգծել, որ գազի արտահանումը ամրապնդել է ՆԱՏՕ-ի մի շարք դաշնակիցների էներգետիկ անկախությունը, հատկապես Ռուսաստանի կողմից Ուկրաինա լայնածավալ ներխուժումից հետո։ Նա ընդգծել է, որ կազմակերպությունը պատրաստ է Ադրբեջանի հետ հետագա քաղաքական երկխոսության և համագործակցության, ինչպես նաև երկրին անվտանգության և պաշտպանության բարեփոխումների իրականացման գործում օգնելու, այդ թվում՝ ՆԱՏՕ-Ադրբեջան անհատական գործընկերության ծրագրի (ITPP) մշակման ավարտի միջոցով», նշվում է հրապարակման մեջ։