Վրաստանը, Թուրքիան և Ադրբեջանը խոսնակների մակարդակով համագործակցության ձևաչափ կստեղծեն

Վրաստանը, Թուրքիան և Ադրբեջանը կստեղծեն եռակողմ համագործակցության ձևաչափ՝ խորհրդարանների խոսնակի մակարդակով։

Նման պայմանավորվածություն է ձեռք բերվել Վրաստանի խորհրդարանի նախագահ Շալվա Պապուաշվիլիի և նրա թուրք գործընկեր Նուման Քուրթուլմուշի հանդիպման ժամանակ, հայտնում է Վրաստանի Առաջին ալիքը՝ վկայակոչելով խորհրդարանի մամուլի ծառայությանը։

Խորհրդարանի մամուլի ծառայության փոխանցմամբ՝ Նուման Քուրթուլմուշը շնորհավորել է Շալվա Պապուաշվիլիին խորհրդարանի նախագահի պաշտոնում վերընտրվելու կապակցությամբ և նշել, որ ժողովրդի կամքն ամեն ինչից վեր է, բոլորը պետք է հարգեն ընտրությունների արդյունքները, որոնք պետք է հիմք դառնան հետագա զարգացման համար։