Ադրբեջանի և Հայաստանի խորհրդարանների նախագահները կրկին կհանդիպեն մայիսի կեսերին

Ադրբեջանի և Հայաստանի խորհրդարանների նախագահներ Սահիբա Գաֆարովան և Ալեն Սիմոնյանը պայմանավորվել են հանդիպում անցկացնել մայիսի կեսերին Միջխորհրդարանական միության (ՄԽՄ) միջնորդությամբ։

Ինչպես հայտնում է Caliber.Az-ը, այս մասին Հանրային հեռուստաընկերությանը տված հարցազրույցում հայտարարել է ինքը՝ Սիմոնյանը։

Հայաստանի Ազգային ժողովի նախագահը «աննախադեպ» է որակել խոսնակների նախորդ հանդիպումը, որը տեղի է ունեցել մարտի 22-ին ՄԽՄ-ի նիստի շրջանակում։

Սիմոնյանը բացատրել է, որ ի սկզբանե բանակցությունների ընթացքում ադրբեջանական կողմը նախանշել է «կարմիր գծեր»՝ նշելով, որ քննարկումը պետք է լինի միայն խորհրդարանական դիվանագիտության օրակարգի շրջանակներում, ինչին հայկական կողմը տվել է իր համաձայնությունը։

Նրա գնահատմամբ՝ հանդիպումն անցել է բավականին կառուցողական մթնոլորտում։

«Մենք համաձայնեցինք, որ մեր միջև անվստահության մթնոլորտ է տիրում։ Նրանք մեզ չեն վստահում, մենք էլ իրենց»,- նշել է Սիմոնյանը։