Ադրբեջանցի ըմբիշները հաղթել են վարկանիշային մրցաշարում
Բուդապեշտում (Հունգարիա) ավարտվել է ըմբշամարտի չորրորդ և վերջին միջազգային վարկանիշային մրցաշարը։
Ինչպես հայտնում է azerisport.com-ը, մրցաշարի չորրորդ՝ վերջին օրը մրցագորգ են դուրս եկել հունահռոմեական ոճի ըմբիշները: Ադրբեջանը ներկայացնում էին Հասրաթ Ջաֆարովը (67 կգ), Ուլվի Գանիզադեն (72 կգ), Սանան Սուլեյմանովը (77 կգ), Ռաֆիկ Հուսեյնովը, Իսլամ Աբբասովը (երկուսն էլ՝ 87 կգ), Մուրատ Լոքյաևը, Արիֆ Նիֆթուլլաևը (երկուսն էլ՝ 97 կգ), Բեկա Կանդելակին, Սաբահ Շարիաթին (երկուսն էլ՝ 130 կգ).
Ջաֆարովն ու Սուլեյմանովը դարձել են չեմպիոն, Գանիզադեն վնասվածքի պատճառով չի մասնակցել եզրափակիչ գոտեմարտին, իսկ Կանդելակին պարտվել է եզրափակիչում։ Աբբասովը զիջել է բրոնզի համար պայքարում։
Այսպիսով, ադրբեջանցի ըմբիշները մրցաշարում նվաճել են 7 (3-3-1) մեդալ։ Ավելի վաղ ազատ ոճի ըմբիշ Մագոմեդխան Մագոմեդովը (97 կգ) նվաճել էր արծաթե մեդալ, իսկ հետո չեմպիոն էր դարձել հունահռոմեական ոճի ըմբիշ Մուրադ Մամեդովը (63 կգ), իսկ մեկ այլ «դասական» Նիհադ Մամեդլին (60 կգ) արժանացել էր բրոնզե մեդալի: