«Առավոտ»-ի գլխավոր խմբագիր. Ոչ հեղափոխությունը, ոչ էլ հեղաշրջումը չեն օգնի Հայաստանին

«Հեղափոխությունները միշտ հույսեր են արթնացնում զանգվածների մեջ. հեղափոխականների խոստումները արձագանք են գտնում քաղաքացիների սրտերում: Օրինակ, ասվում է՝ «Հիմա մենք հրաժեշտ կտանք անիծյալ անցյալին, կձևավորենք նոր մարդուն, նոր բանակ, նոր դպրոց, նոր դատարաններ»։ Խոստումների և դրանց հիման վրա ձևավորված սպասելիքների «վերջին դեպքը» աչքներիս առաջ է՝ դա 2018 թվականի հեղափոխության «անհաջողության պատմությունն» է։

Caliber.Az-ի փոխանցմամբ՝ այս մասին իր հոդվածում գրել է «Առավոտ» թերթի գլխավոր խմբագիր Արամ Աբրահամյանը:

«Ո՞րն է պատճառը, որ խոստացած բարեփոխումները իրականացնել չի հաջողվում։ Պարզունակ բացատրությունն այն է, որ «Սերժի վախտ» իշխանության գլխին էին «վատ տղաները», իսկ հետո նրանց եկան փոխարինելու նույնքան «վատ տղաներ»։ Եվ այդ պատրանքի դեպքում հույս կա, որ նրանց տեղը վերջապես կգան «լավ տղաներ», որոնց չեն հետաքրքրում գեդոնիստական հաճույքները, և այդ նվիրյալներն իրենց համեստությամբ և ժուժկալությամբ կփրկեն երկիրը։

Սակայն դրանք սին հույսեր են: Նոր համակարգը չի առաջանում ֆանատիկների հերոսական ջաքերով. անգամ եթե նման անձնուրաց մարդիկ ինչ-որ հրաշքով հայտնվեն քաղաքական ասպարեզում։ Այդ համակարգը ստեղծվում է հասարակական նոր պահանջմունքներով («ներքևից») և մյուս կողմից՝ նոր գաղափարներով («վերևի»), և «վերևն» ու «ներքևը» պետք է իրար «հանդիպեն» ու իրար հետ փոխադարձ կերպով պայմանավորվեն։

Հայաստանի պարագայում ո՛չ հեղափոխությունը, ո՛չ էլ պալատական, ռազմական կամ որևէ այլ հեղաշրջում ցանկալի փոփոխությունների չեն բերի։ Կլինեն միայն անցանկալի կամ, ինչպես տեսանք, աղետալի հետևանքներ։ Այդպես եղավ 2018 թվականի հեղափոխության պարագայում», - գրում է Աբրահամյանը։