Արևմուտքը փորձում է ապակայունացնել իրավիճակը Ղարաբաղի շուրջ. Պեսկով

Որոշ Արևմտյան երկրներ փորձում են ապակայունացնել իրավիճակը Ղարաբաղի շուրջ և Ռուսաստանի դեմ կռիվ են տանում «բաց երեսկալով»:

Сaliber.Az-ի փոխանցմամբ՝ այս մասին հայտարարել է ՌԴ նախագահի մամուլի քարտուղար Դմիտրի Պեսկովը՝ «Ռոսիա 1»-ի եթերում հեռուստալրագրող Պավել Զարուբինին տված հարցազրույցում։

«Դե, տեսնում եք, ինչ-որ տեղ, երևի երեք, չորս, հինգ տարի առաջ, նման կռիվ է տարվել դիվանագիտական դիմակներով, հիմա այս դիմակները վաղուց դուրս են նետվել, և կռիվն ընթանում է դեմ առ դեմ, բաց երեսկալով։ Իրոք, մի շարք երկրներ դեռևս փորձում են ապակայունացնել իրավիճակը Ղարաբաղի շուրջ, ինչն, ի դեպ, հանգեցրեց նրան, որ ադրբեջանական կողմը պաշտոնապես հայտարարեց, որ այս թվով երկրներ դժվար թե կարող են միջնորդի որևէ դեր հավակնել, քանի որ նրանք ունեն «կողմնապահ դիրքորոշում», – ասել է Պեսկովը՝ մեկնաբանելով արևմտյան քաղաքական գործիչների հայտարարությունները, որոնք իրենց խնդիրն են համարում ռուս խաղաղապահներին Ղարաբաղի տարածաշրջանից դուրս մղելը և Ռուսաստանի ու Հայաստանի միջև կապերը խզելը։