Դաշնակ Մանուկյանը դժգոհ է. Բաքվի առաջարկը նրան ցույց չեն տվել

Հայաստանի ԱԳՆ-ն ընդդիմությանն արգելում է ծանոթանալ Ադրբեջանի հետ պայմանագրի տարբերակին:

Ինչպես տեղեկացնում է Calber.Az-ը՝ վկայակոչելով հայկական մամուլին, այս մասին ֆեյսբուքյան իր էջում գրել է ԱԺ «Հայաստան» խմբակցության պատգամավոր Գեղամ Մանուկյանը:

«Փետրվարի 23-ին մենք դիմել էինք ԱԳՆ՝ առաջարկների հերթական փաթեթին ծանոթանալու նպատակով։ Այսօր ԱԳՆ-ի կողմից ստացվել է պաշտոնական գրություն, որտեղ նշվում է.

«‎բանակցային գործընթացը չխաթարելու, գործընթացի վրա անուղղակի բացասական ազդեցություններ, ինչպես նաև փաստաթղթի կամայական, սխալ հանրային մեկնաբանություններ բացառելու նկատառումով պայմանավորված՝ այս պահին նպատակահարմար չենք համարում հայցվող տեղեկատվության տրամադրումը»։