Երևանի օդանավակայանում հացադուլ հայտարարած լրագրող Նիկոլյանը վերադարձել է Ֆրանսիա

Հացադուլի 41-րդ օրը ֆրանսահայ լրագրող Լեո Նիկոլյանը Զվարթնոց օդանավակայանից FlyOne ավիաընկերության օդանավով մեկնել է Ֆրանսիա, - գրում են հայկական լրատվամիջոցները։

Իր ֆեյսբուքյան ուղիղ եթերում նա հայտնել է, որ արդեն Փարիզի իր տանն է ու շնորհակալություն է հայտնել բոլոր այն մարդկանց, ովքեր այդ ընթացքում աջակցել են իրեն։

Նա նշել է, որ Ֆրանսիայի իշխանությունները ևս ուզում են իրեն ոչնչացնել, քանի որ իր ճշմարտությամբ ինքը խանգարում է տարբեր կոռումպացված կուսակցություններին։ Նա նաև հայտնել է, որ Փարիզ հասնելուն պես իրեն դիմավորել են զինված ոստիկաններն ու բերման են ենթարկել։