Էրդողան. Անհրաժեշտության դեպքում մենք կկանգնենք մեր եղբայրների կողքին

«Անհրաժեշտության դեպքում մենք կկանգնենք մեր եղբայրների կողքին, ինչպես Լիբիայում, Սիրիայում, 30 տարի անց օկուպացիայից ազատագրված Ղարաբաղում»։

Ինչպես հայտնում է Caliber.Az-ը, այս մասին Twitter-ում գրել է Թուրքիայի նախագահ Ռեջեփ Թայիբ Էրդողանը։

Նա նշել է, որ Թուրքիան իր քաղաքական, դիվանագիտական և ռազմական հզորությամբ վճռական հարվածներ է հասցնում ահաբեկչական կազմակերպություններին.

«Չնայած, որ մեր երկիրը երեք մայրցամաքների աշխարհաքաղաքական կենտրոնն է, երկար տարիներ այն կառավարվել է միավեկտոր արտաքին քաղաքականությամբ։ Բայց մեր դիվանագետների ջանքերի շնորհիվ, այսօր մենք ունենք վստահ, նախաձեռնող ու մարդասիրական արտաքին քաղաքական կուրս»։