Թուրքական ընկերությունը Ադրբեջանում ռազմական հանդերձանքի արտադրություն կստեղծի

Թուրքական Akıncılar տեքստիլ ընկերությունը համագործակցության համաձայնագիր է ստորագրել՝ Ադրբեջանի պաշտպանական արդյունաբերության նախարարության գիտահետազոտական ինստիտուտի հետ։

Ընկերության մամուլի ծառայությունից Anadolu-ին հայտնել են, որ կողմերի միջև ստորագրված արձանագրության համաձայն՝ Ադրբեջանում կստեղծվի համատեղ արտադրական ձեռնարկություն և լաբորատորիա։

Այսօրվա դրությամբ Akıncılar ընկերությունը Իզմիրում արտադրում է զրահաբաճկոններ, բալիստիկ սաղավարտներ, համազգեստներ և այլն։

Պաշտպանական նշանակության արտադրանքը, որը կարտադրվի Ադրբեջանում համատեղ ձեռնարկությունում, նախատեսվում է մատակարարել երրորդ երկրներ։

«Եղբայրական հանրապետությունում երեք տարվա ընթացքում արտադրությունը ամբողջովին կանցնի տեղական նյութերի։ Ադրբեջանում առաջին անգամ կարտադրվի զրահակայուն պաշտպանական արտադրանք: Ինովացիոն կենտրոնում Akıncılar-ի ինժեներները և Ադրբեջանի պաշտպանական արդյունաբերության նախարարության գիտահետազոտական ինստիտուտը համատեղ կզարգացնեն արտադրությունը»,- ասել է խորհրդի ղեկավար Ահմեթ Ջան Ուզունթեփեն։