Թուրքիան «Նեմեսիս»-ի հուշարձանի տեղադրման մասին նախազգուշացրել է Երևանին

Թուրքիան զիջումների է գնացել Հայաստանի հետ հարաբերությունների կարգավորման գործընթացում:

Այս մասին Lider Haber հեռուստաալիքին տված հարցազրույցում ասել է Թուրքիայի ԱԳՆ ղեկավար Մևլութ Չավուշօղլուն:

Նրա խոսքով՝ Անկարան այս քայլերն արել է՝ նպաստելու Ադրբեջանի և Հայաստանի միջև հարաբերությունների կարգավորման գործընթացին։

«Բայց նրանք ևս մեկ անգամ ցույց տվեցին, որ անկեղծ չեն… Մենք չենք ընդունում մեր օսմանյան փաշաներին և ադրբեջանցի եղբայրներին սպանած անձանց հուշարձանի կանգնեցումը»,- ասել է արտգործնախարարը։

Նախարարը հավելել է, որ թուրքական կողմը հուշարձանի տեղադրման հետ կապված նախազգուշացրել է պաշտոնական Երևանին և այս հարցում նոր քայլեր է ձեռնարկելու Հայաստանի նկատմամբ։