«Ժողովուրդ». Դեռ 2 տարի առաջ Լաչինի և Զաբուխի հետ ամեն ինչ պարզ էր

Հայկական «Ժողովուրդ» թերթը հերթական հոդվածն է նվիրել Լաչին քաղաքին և Զաբուխ գյուղին, որոնք այս ամիս կվերադարձվեն Ադրբեջանին։

Ինչպես գրում է թերթը, այդ բնակավայրերում ապրող հայերը մինչև օգոստոսի 25-ը պետք է լքեն դրանք:

«Հիմնավորումն այն է, որ 2020 թվականի նոյեմբերի 9-ի եռակողմ հայտարարությունից հետո, որը կնքվել էր ՀՀ վարչապետ Նիկոլ Փաշինյանի, ՌԴ նախագահ Վլադիմիր Պուտինի և Ադրբեջանի նախագահ Իլհամ Ալիևի միջև, արդեն պարզ էր, որ այս տարածքները ևս պիտի հանձնվեն։ Այսինքն՝ այս տարածքները լքելու մասին հայտնի է դարձել դեռ մոտ երկու տարի առաջ, սակայն այս ընթացքում Զաբուխում կատարվել են մեծ թվով ներդրումներ, դպրոց, մանկապարտեզ է վերակառուցվել։ Խոսքը մոտ 300 հազար ԱՄՆ դոլար ներդրման մասին է ոչ պետական միջոցներից», - գրում է թերթը:

«Ժողովուրդ» օրաթերթի հետ զրույցում Զաբուխի գյուղապետ Անդրանիկ Չավուշյանը հաստատել է այն տեղեկությունները, որ այս ընթացքում գյուղում տարբեր ներդրումներ են արվել։

Չավուշյանի խոսքով, ստացվում է՝ իմանալով անգամ, որ Զաբուխից պետք է բնակիչները հեռանան, այնտեղ ներդրումներ են արվել՝ խաղալով մարդկանց հույզերի հետ: