Իլհամ Ալիև. Մենք արդեն ունենք գազի մատակարարման բավականին դիվերսիֆիկացված աշխարհագրություն

Ռուս-ուկրաինական պատերազմի սկսվելուց ի վեր՝ մենք 10-ից ավելի եվրոպական երկրներից ստացել ենք գազի մատակարարման կամ առկա մատակարարումների ավելացման հարցումներ:

AZERTAC-ի փոխանցմամբ՝ այս մասին ԱՀ նախագահ Իլհամ Ալիևը հայտարարել է՝ մարտի 13-ին Բեռլինում գերմանական առաջատար ընկերությունների ղեկավարների հետ հանդիպմանը։

«Մենք անում ենք ամեն ինչ մեր գործընկերների կարիքները բավարարելու համար։ Մենք արդեն ունենք գազամատակարարման բավականին դիվերսիֆիկացված աշխարհագրություն»,- ընդգծել է պետության ղեկավարը։