Լուկաշենկո. Վաղը Մակրոնը չի լինի, և բոլորը կմոռանան Հայաստանի մասին

Բելառուսի Հանրապետության նախագահ Ալեքսանդր Լուկաշենկոն համարում է, որ որոշ պետություններ, որոնք առաջացել են հետխորհրդային տարածքում, փորձում են օգուտ քաղել Ռուսաստանի հետ համագործակցությունից՝ փոխարենը ոչինչ չառաջարկելով։

Այս մասին նա հայտարարել է «Россия» հեռուստաալիքին տված հարցազրույցում, որը ցուցադրվել է բելառուսական «Belarus 1» հեռուստաալիքով։

«Մենք Ռուսաստանի հետ փաստորեն նույն նավի մեջ ենք: Եթե նա շրջվի, մենք միասին կխեղդվենք: Պետք չէ թաքցնել մեր դաշնակցային հարաբերությունները. Մենք չենք վարվում այնպես, ինչպես որոշ այլ պետություններ, որոնք ցանկանում են միայն վերցնել Ռուսաստանից՝ ոչինչ չտալով»,- ասել է Լուկաշենկոն։

Բացի այդ, նա մեկնաբանել է Հայաստանում տիրող իրավիճակը. «Հայերը մեզանից բացի ո՞ւմ են պետք։ Ոչ ոքու: Թող զարգացնեն իրենց տնտեսությունը և կենտրոնանան իրենց ռեսուրսների վրա։ Ո՞ր Ֆրանսիան, կամ Մակրոնը. Վաղը նա չի լինի, և բոլորը կմոռանան Հայաստանի մասին»,- եզրափակել է նա։