Խաչատրյանը՝ Պուտինի հետ հանդիպմանը. Պատերազմը կարելի էր կասեցնել հոկտեմբերի 19-ին

Հայաստանի նախագահ Վահագն Խաչատրյանը ՌԴ նախագահ Վլադիմիր Պուտինի հետ հանդիպման ժամանակ ասել է, որ պատերազմը դադարեցնելու հնարավորություն եղել է 2020 թվականի հոկտեմբերի 19-ին։

Caliber.Az-ի փոխանցմամբ՝ այս մասին է վկայում հանդիպման սղագրությունը, որը տեղադրված է Կրեմլի կայքում։

«Հայ ժողովուրդը բարձր է գնահատում ձեր ջանքերը Լեռնային Ղարաբաղի հակամարտության կարգավորման գործում։ Կարող եմ ասել, որ այն, ինչ դուք արեցիք ռազմական գործողությունների ժամանակ, ձեր ջանքերը, որոնց օգնությամբ պատերազմը դադարեց, գնահատվում է նաև ոչ միայն իմ կողմից որպես մարդ։ Գիտեմ, որ Հայաստանի բնակչությունն էլ է սա գնահատում։

Փաստորեն, մենք ուզում էինք շուտ դադարեցնել, ինչ-որ կերպ ավարտել պատերազմը, և ես գիտեմ ձեր ջանքերը։ Դուք հնարավորություն ունեցաք նաև 2020 թվականի հոկտեմբերի 19-ին. այս մասին մենք զրուցել ենք Սերգեյ Վիկտորովիչի [Լավրովի] հետ, երբ նա Երևանում էր։ Բայց այնպես եղավ, որ 2020 թվականի նոյեմբերի 9-ին, բայց ամենակարևորը, պատերազմը դադարեց»,- ասել է ՀՀ նախագահը։