«Խուդաֆերին» և «Գըզ Գալասը» ՀԷԿ-երի շինարարությունը կավարտվի մոտ ապագայում. դեսպան

Կարծում եմ, որ մոտ ապագայում կավարտվի «Խուդաֆերին» և «Գըզ Գալասը» հիդրոհանգույցների և հիդրոէլեկտրակայանների շինարարությունը։

Ինչպես հայտնում է Caliber.Az-ը, այս մասին լրագրողներին ասել է Իրանում Ադրբեջանի դեսպան Ալի Ալիզադեն։

Նրա խոսքով, այս նախագծի շրջանակներում աշխատանքները շարունակվում են։

Դեսպանը հավելել է, որ օրերս տեղի է ունեցել աշխատանքային խմբերի նիստ։ Ընդ որում փոխնախարարների մակարդակով մշտական շփումներ են լինում։

«Այստեղ աշխատանքների գրեթե 95 տոկոսն ավարտված է։ Ակնկալվում է, որ մնացած աշխատանքները կավարտվեն, և մոտ ժամանակներս շահագործման կհանձնվեն»,- ասել է դեսպանը: