«Հայաստանի ձայնը». Ամեն ինչ ընթանում է Իլհամ Ալիևի սցենարով

«Իրականում, ինչպես միշտ Փաշինյանի հետ բանակցությունների ժամանակ, այս անգամ էլ Մյունխենում, Ալիևը նստած էր արհամարհական ժպիտով։ Ինչո՞ւ ոչ, եթե գիտի, որ ամեն ինչ իր սցենարով է ընթանում։ Ինչի՞ է հասել Ալիևն այս անգամ Մյունխենում»։

Ինչպես հայտնում է Caliber.Az-ը, այս մասին գրում է «Գոլոս Արմենիի» թերթը։

«Խոստովանություն, որ հայ-ադրբեջանական հարաբերություններն այժմ կարգավորվում են առանց միջնորդների։ Այս մասին նա ասել է ԵԱՀԿ գործող նախագահին՝ վերջինիս առաջարկելով պաշտոնապես ցրել Մինսկի խումբը և կրճատել գործող նախագահի հատուկ ներկայացուցչի պաշտոնը։ Պայմանով, որ նրա և Փաշինյանի միջև բովանդակալից քննարկումները կանցկացվեն երկկողմ ձևաչափով, Ալիևը համաձայնել է հանդիպմանը, որը բացեց Օլաֆ Շոլցը, բայց շուտով հեռացավ՝ խեղճ Փաշինյանին միայնակ թողնելով Ալիևի հետ։

Փաստ է, որ Ալիևն այժմ մտադիր է Փաշինյանի հետ խոսել միայն երկկողմ հարթակում։ Փաշինյանի հետ ավելի հեշտ է: Բայց որ այս երկկողմանի հարթակը վերջինն է լինելու, փաստ չէ։ Հնարավոր է, որ որոշակի ժամանակ անց Ադրբեջանին զիջումների վերաբերյալ բանակցությունները կրկին ընթանան եռակողմ ձևաչափով։ Միայն այս անգամ Անկարա-Երևան-Բաքու ձևաչափով։

Բայց որպես Ալիևի արհամարհական ժպիտների մխիթարություն, բրիտանական արտաքին հետախուզության (MI6) ղեկավար Ռիչարդ Մուրը հանդիպել է Փաշինյանի հետ։ Խոսել են շատ բանի մասին, բայց ոչնչի մասին... Փաշինյանը երևի իր ողջույներն է փոխանցել Արմեն Սարգսյանին...»,–գրում է թերթը։