Հայաստանի և ՀԱՊԿ-ի փոխհարաբերությունները կքննարկվեն Մինսկում

ՀՀ ԱԺ նախագահ Ալեն Սիմոնյանի գլխավորած պատվիրակությունը մայիսի 17-18-ը կգործուղվի Բելառուս՝ մասնակցելու Հավաքական անվտանգության պայմանագրի կազմակերպության (ՀԱՊԿ) խորհրդարանական վեհաժողովի խորհրդի նիստին։

Caliber.Az-ի փոխանցմամբ՝ այս մասին գրում է «Հրապարակ»-ը:

«Հիշեցնենք, որ ՀԱՊԿ նախագահությունն անցած տարի անցել է Բելառուսին, և դեռևս տարեսկզբին հայտարարվեց, որ մայիսին արտագնա նիստ է անցկացվելու՝ քննարկվելու են խնդրահարույց հարցեր։ Ենթադրվում է, որ Հայաստանի և ՀԱՊԿ-ի փոխհարաբերությունները ևս քննարկման թեմա կդառնան», - գրում է թերթը։