Մոսկվան, Թեհրանը և Բաքուն կստեղծեն նոր աշխատանքային խումբ Հյուսիս-Հարավ միջանցքի համար

Մոսկվայի, Թեհրանի և Բաքվի ներկայացուցիչները պայմանավորվել են բեռնափոխադրումների վերաբերյալ աշխատանքային խումբ ստեղծել Հյուսիս-Հարավ միջազգային տրանսպորտային միջանցքի շրջանակներում, ստուգել են սահմանային և մաքսային տերմինալները ռուս-ադրբեջանական և ադրբեջանա-իրանական սահմաններին:

Այս մասին ՏԱՍՍ-ին հայտնել է Իրանում Ռուսաստանի Դաշնության առևտրային առաքելությանն առընթեր Դաղստանի կառավարության ներկայացուցիչ Անդրեյ Տանաևը, ով ռուսական պատվիրակության կազմում մասնակցել է աշխատանքային խմբի ձևավորմանը նվիրված փորձագետների հանդիպմանը։

«Մենք Դերբենտում փորձագիտական մակարդակով եռակողմ հանդիպում ենք անցկացրել Ռուսաստանի, Ադրբեջանի և Իրանի պատվիրակությունների միջև և ստուգել մաքսային և սահմանային կետերը, որոնք ներառում են «Իրանական Աստարա», «Ադրբեջանական Աստարա», «Հարավային ադրբեջանական Աստարա, «Թահիրքենդ-Կազմալյար», Յարագ-Կազմալյար» կետերը,- ասել է նա։