Նախարար. Ադրբեջանը շարունակում է մնալ հանածո վառելիքի համաեվրոպական մատակարար

Ադրբեջանը բաց է ներդրողների հետ համագործակցության համար, և երկրում, որպես էներգիայի ավանդական արտադրող, ձևավորվել է միջազգային էներգետիկ ընկերություններից և ազգային առաջնորդներից կազմված լավ խումբ, որոնք ներդրումներ են կատարում վերականգնվող էներգիայի նախագծերում:

Ինչպես հաղորդում է Сaliber.Az-ը, այս մասին չինական CGTN հեռուստաալիքին տված հարցազրույցում ասել է Ադրբեջանի էկոնոմիկայի նախարար Միքայիլ Ջաբարովը։

Խոսելով էներգետիկ անցման և վերականգնվող էներգիայի արտադրության մասին՝ Ջաբբարովը հիշեցրել է, որ այս պահին Ադրբեջանը մնում է հանածո վառելիքի համաեվրոպական մատակարար՝ ինչպես նավթի, այնպես էլ բնական գազի, բայց միանգամայն բնական է, որ նախատեսում է իրականացնել նախագիծ, որի նպատակն է կանաչ էներգիա արտահանել Եվրամիություն:

«Սա տարածաշրջանային նախագիծ է, որը նախաձեռնել է Ադրբեջանը Վրաստանի, Բուլղարիայի, Ռումինիայի, ինչպես նաև Հունգարիայի հետ միասին։ Այս նախագիծը նախատեսում է հողմային և արևային էներգիայի արտադրություն Ադրբեջանում և այն փոխադրել եվրոպական շուկաներ Սև ծովով»,- ասել է նախարարը։