Ադրբեջանը Սիրիայի հետ գործարար խորհուրդ է ստեղծում

Ադրբեջանը և Սիրիան մտադիր են գործարար խորհուրդ ստեղծել՝ երկկողմ հարաբերությունները ամրապնդելու համար։
 
Caliber.Az-ի փոխանցմամբ, այս մասին հայտարարել է՝ Ադրբեջանի արտահանման և ներդրումների խրախուսման գործակալությունը (AZPROMO):
 
«Ադրբեջանի և Սիրիայի միջև առևտրատնտեսական կապերի զարգացման և գործարար համագործակցության ընդլայնման նպատակով՝ նախատեսվում է ստեղծել ադրբեջանա-սիրիական  գործարար խորհուրդ», - նշվում է տեղեկատվության մեջ։
 
Այս խորհրդի շրջանակներում AZPROMO-ն հրավիրում է տեղական ընկերություններին, որոնք հետաքրքրված են սիրիական շուկայի հետ համագործակցությամբ և աշխատում են առևտրի, ներդրումների, տեղեկատվական տեխնոլոգիաների, շինարարության, արտադրության, արդյունաբերության, ծառայությունների և այլ ոլորտներում։