Ադրբեջանն ու Սաուդյան Արաբիան նոր էներգետիկ նախագծեր են իրականացնելու

Ադրբեջանի էներգետիկայի նախարար Փարվիզ Շահբազովը հանդիպում է անցկացրել  Սաուդյան Արաբիայի էներգետիկայի փոխնախարար Նասեր Ալ-Քահթանիի հետ՝ «Խըզը-Աբշերոն» հողմային էլեկտրակայանի բացման արարողության  շրջանակներում։
 
Caliber.Az-ի փոխանցմամբ՝ այս մասին հայտնել են էներգետիկայի նախարարությունից։
 
Հանդիպմանը կողմերը գոհունակություն են հայտնել՝ երկու երկրների միջև ամուր բարեկամական և գործընկերային հարաբերություններից։
 
«ACWA Power-ի հետ համատեղ կառուցված 240 ՄՎտ հզորությամբ «Խըզը-Աբշերոն» հողմային էլեկտրակայանը գնահատնվել է որպես եղբայրության և գործընկերության խորհրդանիշ։ Նշվել է, որ այս համագործակցությունը կընդլայնվի՝  մյուս հեռանկարային նախագծերի հաշվին», - նշվում է տեղեկատվության մեջ։