Պրոֆեսոր Զայցևը՝ Հայաստանի ներկայացուցչին. Ոնց ուզենք, տենց էլ կանվանենք Սկանդալ Մոսկվայում՝ Խանքենդիի բնակչի ցուցահանդեսի շուրջ

Հունիսի 7-ին ՌԴ Արևելքի պետական թանգարանում բացվեց «Էդմոնդ Պետրոսյան. Միստերիա» խորագրով ցուցահանդեսը, որտեղ ներկայացված էին Խանքենդիի բնակիչ, նկարիչ Էդմոնդ Պետրոսյանի աշխատանքները։ 

Ինչպես տեղեկացնում է Caliber.Az-ը, Մոսկվայի հայկական թանգարանը ավելի վաղ այդ ցուցահանդեսը ներկայացնում էր «Էդմոնդ Պետրոսյան. Միստերիա Լեռնային Ղարաբաղից» խորագրով, սակայն, Արևելքի թանգարանի կայքում նկարչի ցուցահանդեսը կոչվում է «Էդմոնդ Պետրոսյան. Միստերիա», և «Լեռնային Ղարաբաղն» այնտեղ այլևս նշված չէ։ Ավելին, ցուցահանդեսի նկարագրության մեջ «Ստեփանակերտը» հիշատակելիս, փակագծերում այժմ նշված է քաղաքի իսկական անունը՝ Խանքենդին։

«Բանն այն է, և դուք պետք է այդ մասին տեղյակ լինեիք, որ Լեռնային Ղարաբաղի տարածքը համաշխարհային հանրության և, մասնավորապես, Ռուսաստանի Դաշնության տեսանկյունից համարվում է Ադրբեջանի Հանրապետության մաս։ Եվ դուք գիտեք դա: Դուք ինձ հարցնում եք, թե ինչու է «Ստեփանակերտ» բառի հետևում հայտնվել ադրբեջանական անվանումը (Խանքենդի-Խմբ.)։ Որովհետև սա բնակավայրի պաշտոնական անվանումն է, որը ճանաչված է Ադրբեջանի իշխանությունների կողմից»,- Մոսկվայի հայկական թանգարանի ներկայացուցչի հարցերին ի պատասխան ասել է Արևելյան արվեստի թանգարանի փոխտնօրեն, պատմական գիտությունների դոկտոր, Ռուսաստանի գիտությունների ակադեմիայի պրոֆեսոր Իլյա Զայցևը։

Հայկական թանգարանի ներկայացուցիչը սկսել է պնդել, որ «ոչ մի խնդիր չի եղել՝ քանի դեռ չի փոխվել ցուցահանդեսի անվանումը»։ Հետո նա պնդել է, որ «ցուցահանդեսի վերնագրում պետք է լիներ Լեռնային Ղարաբաղ անունը», իբր Ռուսաստանի պաշտոնական դիրքորոշման պատճառով։

«Նման բան չկա: Ցուցահանդեսի անվան վերաբերյալ Ռուսաստանի Դաշնության պաշտոնական դիրքորոշում չկա։ Ոնց ուզենք, տենց էլ կանենք: Հասկանո՞ւմ եք: Ահա մենք ուզեցինք այն այսպես անվանել՝ անվանեցինք: Այս ցուցահանդեսն ուներ բազմաթիվ աշխատանքային վերնագրեր, մենք կանգ առանք այս մեկի վրա։ Իսկ ինչո՞ւ դա ձեզ դուր չի գալիս։ Այս անունը որևէ մեկին վիրավորո՞ւմ է»,- Հայաստանի ներկայացուցչին պատասխանել է պրոֆեսոր Զայցևը։