Սերդար Քըլըչ. Հայաստանը առանց վարանելու կանգնեց թուրք ժողովրդի կողքին

Հայաստանը առանց վարանելու կանգնեց թուրք ժողովրդի կողքին, ասել է Հայաստանի հետ բանակցություններում Թուրքիայի հատուկ ներկայացուցիչ Սերդար Քըլըչը։

Caliber.Az-ի փոխանցմամբ՝ դիվանագետը Twitter-ում լուսանկարներ է հրապարակել Անկարայի օդանավակայանում Հայաստանի արտգործնախարար Արարատ Միրզոյանի գլխավորած պատվիրակության դիմավորման արարողությունից։

Coğrafya ortak kaderimizi belirleyen en önemli faktör.Bazen,şimdiki gibi, bu kader acılarla şekilleniyor. Bölge ülkeleri arasında sergilenen insani dayanışma bu acıların hafifletilmesinin en iyi ilacı. Tüm bölge ülkeleri gibi Ermenistan'da tereddütsüz Türk halkının yanında oldu. pic.twitter.com/Ntym9YW1mW

— Serdar KILIÇ (@serdarkilic9) February 15, 2023

Քըլըչի խոսքով՝ աշխարհագրությունը ամենակարևոր գործոնն է, որը պայմանավորում է ընդհանուր ճակատագիրը։ Երբեմն (ինչպես հիմա) այդ ճակատագիրը որոշում են տառապանքները, հավելել է նա։

«Տարածաշրջանի երկրների միջև դրսևորված մարդասիրական համերաշխությունը լավագույն դեղամիջոցն է այս տառապանքը մեղմելու համար։ Ինչպես տարածաշրջանի բոլոր երկրները, այնպես էլ Հայաստանը առանց վարանելու կանգնեց թուրք ժողովրդի կողքին»,- ասել է դիվանագետը։

Հիշեցնենք, որ փետրվարի 15-ին Անկարայում կայացել են Հայաստանի և Թուրքիայի արտգործնախարարներ Արարատ Միրզոյանի և Մևլութ Չավուշօղլուի բանակցությունները։ Այնուհետև նախարարները մի շարք առանցքային հայտարարություններ են արել հարաբերությունները կարգավորելու իրենց պատրաստակամության վերաբերյալ։